Konqoda Ebola can almaqda davam edir: Ölənlərin sayı 300-ü keçdi
Konqo Demokratik Respublikasında Ebola virusunun yayılması nəticəsində ölənlərin sayı 300 nəfəri ötüb.
Ölkə.az "Medical Xpress"ə istinadla xəbər verir ki, epidemiyanın rəsmi elan edilməsindən cəmi bir ay sonra ölüm hallarının sayı 304-ə çatıb.
Milli İctimai Səhiyyə İnstitutunun (INSP) məlumatına əsasən, mayın 15-də qeydə alınan ilk yoluxmadan bəri 1 115 təsdiqlənmiş Ebola yoluxması aşkarlanıb. Bu müddət ərzində 304 nəfər həyatını itirib. Beləliklə, ölüm göstəricisi 26,3 faiz təşkil edir.
Qeyd edək ki, iyunun 18-də Afrika Səhiyyə Agentliyi 875 təsdiqlənmiş yoluxma fonunda 202 ölüm halının qeydə alındığını bildirmişdi. Həmin vaxt ölüm göstəricisi təxminən 23 faiz idi.
Həmidə İbrahimova
