Kremlin növbəti referendum tələbi - Hər şey İrəvandan asılıdır

Ermənistanın AİB-dən ayrılıb-ayrılmaması qərarı İrəvandan asılıdır.

Ölkə.az xəbər verir ki, bunu Rusiya Baş nazirinin müavini Aleksey Overçuk deyib.
Overçuk bildirib ki, bu barədə bizdən yox, İrəvandan soruşmalısınız.

“Əgər İrəvan Aİ-də AİB-dən daha yaxşı olacağına inanırsa, bu seçimi edə bilər, amma bizim hesabımıza deyil. Biz ermənilərin özləri üçün ən yaxşı hesab etdikləri şeyin tərəfdarıyıq... Əgər onlar Avropa Birliyində daha rahat və daha yaxşı yaşayacaqlarına inanırlarsa, əlbəttə ki, ora gedə bilərlər”, - Overçuk bildirib.

RF Baş nazirinin müavini Overçuk əlavə edib ki, İrəvanın AİB-də qalmaq istəyib-istəmədiyini müəyyən etmək üçün mümkün qədər tez referendum keçirməsi daha yaxşı olar: "Ermənistanda mümkün qədər tez bir zamanda referendum keçirmək və Avrasiya İqtisadi Birliyində qalmaq, yoxsa Avropa Birliyinə qoşulmaq istədikləri barədə qərar vermək daha yaxşı ola bilər".

Mürtəza