Bu ölkədə yolda qalan 50 nəfər susuzluqdan öldü

"Ölkə Az" xarici KİV-ə istinadla xəbər verir ki,  Afrika ölkəsi Malidən olan bir qrup sərnişini daşıyan yük maşını Nigerin şimalındakı Sahara səhrasında sıradan çıxıb.

 

Niger və Əlcəzair arasında əsas sərhəd-keçid məntəqəsi olan Assamakadan təxminən 80 kilometr qərbdə qapalı qalan sərnişinlər günlərlə yardım gözləyiblər.

Günlərlə səhrada qalan sərnişinlərdən yalnız ikisi kömək çağırmaq üçün yaşayış məntəqəsinə çata bilib. 

 

Qayıdış yolunda xilasedici qruplar qəzalı vəziyyətdə olan başqa bir yük maşınında 60-dan çox insanı sağ tapıblar.

 

Nigerdəki Agadez Qubernatorluğundan verilən açıqlamada, qapalı vəziyyətdə qalan sərnişinlərin həddindən artıq istilərdən və suya çıxışın son dərəcə çətin olduğu bölgədə sağ qalmağa çalışdıqları bildirilib. 

Qeyd edilib ki, sərnişinlər nasazlanmış yük maşını təmir etmək üçün günlərlə çalışsalar da, uğursuzluğa düçar olublar.

 

Hadisə yerinə gələn axtarış-xilasetmə qrupları yük maşınının ətrafında çoxlu cəsəd aşkar ediblər. Mərhumların kütləvi məzarlıqda dəfn edildiyi bildirilib.

 

Nigeriyalı əsgərlərin kömək etdiyi qruplar yorğun sərnişinlərə su paylayıb, maşını təmir edib və onları ərazidən evakuasiya edib.