Britaniya Baş naziri: Rusiya bu tarixdə NATO-ya hücum edəcək

Britaniya kəşfiyyatının və digər NATO ölkələrinin kəşfiyyat xidmətlərinin hesablamalarına görə, Rusiya 2030-cu ilə qədər alyansın ölkələrindən birinə hücum edə bilər.

Ölkə.az AFP-yə istinadən xəbər verir ki, bunu Böyük Britaniyanın Baş naziri Keir Starmer İngiltərənin cənub-qərbindəki dron istehsalı müəssisəsinə səfəri zamanı deyib.
Starmer vurğulayıb ki, məhz bu səbəbdən də ölkənin müdafiəsini gücləndirmək üçün  təcili zəruri tədbirlər görülməlidir.

"Bizim kəşfiyyat qiymətləndirməmiz və digər NATO ölkələrinin qiymətləndirməsinə görə, Rusiyanın NATO-ya hücumu 2030-cu ilin əvvəlində baş verə bilər", - Britaniyanın baş naziri bildirib.

Starmer həmçinin hökumətin iyul ayında Türkiyədə keçiriləcək NATO sammitindən əvvəl çoxdan gözlənilən on illik müdafiə inkişaf planını təqdim edəcəyini açıqlayıb. 
Britaniyanın Hərbi Hava Qüvvələri Qərargahının rəisi Riçard Nayton xəbərdarlıq edib ki, Rusiyadan gələn təhdidlər fonunda ölkənin müdafiə qabiliyyətini sürətlə artırması lazımdır. BBC-yə verdiyi müsahibədə o, hazırkı dövrü 35 illik hərbi karyerasında ən təhlükəli dövr adlandırıb.

Britaniya hökumətinin açıqlamaları NATO-nun baş katibi Mark Ruttenin xəbərdarlıqlarını əks etdirir. Mark Rutten əvvəllər Rusiyanın növbəti beş il ərzində ittifaq ölkələrinə qarşı hərbi güc tətbiq etməyə hazır ola biləcəyini bildirib.

Mürtəza