Yəhudi-ərəb birgə sülh mitinqində İsrail hökumətinə ÇAĞIRIŞ

İsraildə hökumət əleyhinə mitinqlərin yeni dalğası başlayıb.

"Ölkə.az" xəbər verir ki, etirazlar Beer-Şeva, Qüds, Təl-Əviv və Hayfa da daxil olmaqla bir neçə şəhərdə keçirilib.

Təl-Əviv nümayişi şəhər mərkəzindəki Habima Teatrının qarşısındakı meydanda keçirilib. Mitinqdən əvvəl bir neçə yüz iştirakçının qatıldığı küçə yürüşü keçirilib. Fəallar Baş nazir Benyamin Netanyahunu və onun hökumətini kəskin tənqid edərək, erkən seçkilər və 7 oktyabr 2023-cü ildə HƏMAS-ın İsrailə hücumunun səbəblərinin hərtərəfli araşdırılmasını tələb ediblər.

Hayfada yəhudi-ərəb birgə sülh mitinqi keçirilib. İştirakçılar İsrailin Fələstin ərazilərini işğal etməsinə son qoymağa çağırıblar.

Ölkə daxilində nümayişlər dinc keçib, heç bir insident və ya toqquşma qeydə alınmayıb. 

Elvin

Ölkə.az