Konqoda Eboladan ölənlərin sayıı durmadan artır

Konqo Demokratik Respublikasında (KDR) Ebola qızdırmasından laboratoriyada təsdiqlənmiş ölüm hallarının sayı 86-ya çatıb.

"Ölkə.az" xəbər verir ki, bu barədə Konqo Səhiyyə Nazirliyinin açıqlamasında bildirilib.

Son 24 saat ərzində daha altı nəfər ölüb və bununla da təsdiqlənmiş Ebola yoluxma hallarının sayı 488-ə çatıb.

Nazirlik qeyd edir ki, Ebola virusunun daha da yayılmasının qarşısını almaq üçün intensiv səylər davam etdirilir. Hakimiyyət orqanları hazırkı epidemiyanın episentri olan Konqonun İturi əyalətində tibbi təcrid müəssisələrini genişləndirir. Səhiyyə işçiləri və dəstək heyəti üçün əlavə qoruyucu vasitələr də çatdırılır.

Konqo Demokratik Respublikası və Uqanda hökumətləri Ebola epidemiyasını rəsmi olaraq mayın 15-də elan ediblər. Mütəxəssislər bunun 1976-cı ildə Ebola virusu aşkar edildikdən bəri ən böyük və ən təhlükəli epidemiyalardan biri olduğunu bildirirlər.

Elvin

Ölkə.az