Görünüşü ilə hər kəsi heyran qoydu: Bu fil balası fenomen oldu

Digər fillərlə müqayisədə daha qısa ayaqları və daha yumru bədən quruluşu ilə seçilən fil balası sosial şəbəkələrdə böyük maraq doğurub.

Ölkə.az xəbər verir ki, paylaşılan fotolarda boz dərisi, çəhrayı ləkələri və sevimli görünüşü ilə diqqət çəkən fil balası haqqında bir çox istifadəçi "dünyanın ən şirin fili" şərhlərini yazıb.

Bəzi baxıcılar bildirirlər ki, digər fil balaları oyun zamanı bəzən onu daha çox narahat edir və fərqli görünüşünə görə diqqət mərkəzinə çevirirlər.

Lakin internet istifadəçiləri onun qısa ayaqlarını və toppuş görünüşünü tənqid etmək əvəzinə, bunu daha da sevimli hesab edirlər.

Bir çox insan onun fotolarını profil şəkli kimi istifadə edir, bəziləri isə fil balasını müxtəlif internet zarafatları və paylaşımlarının mövzusuna çevirir.

Mütəxəssislərin sözlərinə görə, fil balalarında müşahidə olunan bədən quruluşu fərqlilikləri genetik xüsusiyyətlərdən və ya böyümə sürətindəki dəyişikliklərdən qaynaqlana bilər. Əksər hallarda isə bu, ciddi sağlamlıq problemi hesab olunmur.

Həmidə İbrahimova