Hindistanda hərbi nəqliyyat təyyarəsi qəzaya uğrayıb - 5 ölü

Hindistan Hərbi Hava Qüvvələrinə məxsus An-32 hərbi nəqliyyat təyyarəsi ölkənin  şimal-şərqindəki Assam ştatında qəzaya uğrayıb.

Ölkə.az xəbər verir ki, təyyarə eniş zamanı Corhat şəhərindəki aviabazanın ərazisində qəzaya uğrayıb. Zərbədən sonra qəza yerində yanğın baş verib.

Hindistan Hərbi Hava Qüvvələri rəsmilərinin məlumatına görə, təyyarədə pilot da daxil olmaqla beş nəfər olub. Onun da ölənlər arasında olduğu bildirilir. İkinci pilot qəzadan sağ çıxıb və hazırda tibbi yardım alır.

Qəzanın səbəbi hələ müəyyən edilməyib və araşdırma aparılır.

An-32, Hindistan Hərbi Hava Qüvvələri tərəfindən ucqar ərazilərə yük, personal və təchizat daşımaq üçün istifadə edilən iki mühərrikli turbovintli nəqliyyat təyyarəsidir. O, çətin iqlim şəraitində və yüksək hündürlükdə yerləşən aerodromlarda işləmək üçün nəzərdə tutulub.

Mürtəza