Türkiyə süni intellekt layihələrinə özəl investisiya ayıracaq
Türkiyədə süni intellektin (AI) tətbiqi layihələrinin həyata keçirilməsi üçün ən azı 10 milyard dollar özəl vəsait ayrılacaq.
Teleqraf xəbər verir ki, bu barədə Türkiyə Prezidenti Rəcəb Tayyib Ərdoğan məlumat verib.
O bildirib ki, Türkiyə müdafiə sənayesindəki təcrübə və imkanlarını digər sahələrə, xüsusən də süni intellekt sahəsinə köçürmək üçün intensiv səylər göstərir.
"Məlumat mərkəzi infrastrukturunu, bulud texnologiyalarını və süni intellekti inkişaf etdirmək üçün ən azı 10 milyard dollar özəl investisiya səfərbər edəcəyik. Biz dövlət investisiya proqramlarımızdan vəsaitin ən azı 2%-ni süni intellekt sahəsində layihələrin həyata keçirilməsinə ayıracağıq. 2030-cu ilə qədər biz ölkəmizdə data mərkəzlərinin quraşdırılmış gücünü ən azı 1 GVt-a çatdıracağıq”, – o qeyd edib.
