Lukaşenko: “Diktator deyiləm, o dövr çoxdan geridə qalıb”
“Diktator deyiləm, artıq diktator adlandırıldığım dövr çoxdan geridə qalıb”.
Ölkə.az xəbər verir ki, bunu Belarus Prezidenti Aleksandr Lukaşenko “Əl-Ərəbiyyə” televiziyasına müsahibəsində deyib.
“O vaxt keçib. Bəli, mən Avropa liderləri ilə, o cümlədən aparıcı liderlərlə görüşmürəm, amma onlarla ya nümayəndələri vasitəsilə, ya da birbaşa əlaqə saxlayıram, necə ki, bu yaxınlarda Fransa Prezidenti Emmanuel Makronla olduğu kimi”, - A.Lukaşenko vurğulayıb.
Dövlət başçısı əlavə edib ki, Avropa liderlərindən heç biri onu diktator adlandırmır, çünki bu, gülünc görünür.
A.Lukaşenko özünü diktator saymır, çünki öz iradəsini kiməsə qəbul etdirmək üçün resursları yoxdur.
Belarus lideri “Əl-Ərəbiyyə” əməkdaşları ilə söhbət zamanı “Avropanın sonuncu diktatoru” ləqəbini qazanmış siyasətçi ilə müsahibə apardığına sevinməyə çağırıb.
Mürtəza
