Zelenski Trampla görüşdü: “Bunu istəyirik”

Ukrayna Prezidenti Vladimir Zelenski G7 liderlərinin sammiti çərçivəsində ABŞ Prezidenti Donald Trampla görüşüb.

Ölkə.az xəbər  verir ki, bu görüş, Kiyevin Moskva ilə dalana dirənmiş sülh danışıqlarını canlandırmağa çalışdığı təxminən dörd aydan sonra iki ölkə liderlərinin ilk üzbəüz görüşüdür.  V.Zelenski D.Trampla söhbətinin ilk təfərrüatlarını bölüşərək deyib ki, Ukrayna ABŞ-dən anti-ballistik sistemlər və raketlərin istehsalı üçün lisenziyalar almağa ümid edir.

“Biz bunu Prezident Trampla müzakirə etdik. Komandalarımız bunun üzərində işləyəcək. Allah qoysa, bu dəfə müvafiq anti-ballistik sistemlər və raketlər istehsal etmək üçün lisenziyalar əldə edə biləcəyik”, - Ukrayna Prezidenti vurğulayıb.

V.Zelenski Fransanın Evian şəhərində keçirilən G7 liderlərinin sammiti çərçivəsində ABŞ Prezidenti Donald Trampla yanaşı Fransa Prezidenti Emmanuel Makronla da görüşüb.

V.Zelenski bildirib ki, bu görüşündə ölkəsinin ehtiyacları, xüsusən də Ukraynanın hava hücumundan müdafiəsinin gücləndirilməsi müzakirə olunub.

“Hamı bunu anlayır, hamı kömək edəcək, mütləq bütün ölkələri G-7 müdafiəmizi gücləndirmək üçün çalışacaq. Biz həm sistemləri, həm də raketləri müzakirə etdik”, - V.Zelenski bildirib. Lakin o, heç bir təfərrüat açıqlamayıb.

Mürtəza