Tehrandan açıqlama: İran bu ərazidən keçənlərdən pul alacaq

Ölkə.az xəbər verir ki, bunu İran parlamentinin sədri Məhəmməd Bağır Qalibaf deyib.

“Yekun razılaşma əldə olunsa və bu razılaşma BMT Təhlükəsizlik Şurasının qətnaməsi ilə təsdiqlənsə belə, o, yenə də etibarlı deyil”, - M.B.Qalibaf bildirib.

Parlament sədri vurğulayıb ki, ABŞ ilə əldə edilən razılaşmadan sonra Hörmüz boğazında yeni bir dövr başlayıb: “Müharibənin ortasında mən “Hörmüz boğazı heç vaxt əvvəlki vəziyyətinə qayıtmayacaq” deyə bir bəyanat verdim. Bu gün də eyni fikri bölüşürəm.

Biz beynəlxalq hüquq çərçivəsində hərəkət edəcəyik. Beynəlxalq hüquqa görə, boğazlarla həmsərhəd ölkələrin həm hüquqları, həm də öhdəlikləri var. Bu hüquqlardan biri də ölkələrin göstərdikləri xidmətlər üçün haqq almasıdır”, - M.B.Qalibaf vurğulayıb.

Vaşinqtonla anlaşmanın imzalanmasına gəldikdə İran qanunverici orqanın rəhbəri bildirib ki, ABŞ və İsraili məğlub ediblər:

“Mən diplomatiyanı döyüşçü ruhu ilə aparıram. Danışıqlar yolu ilə hərbi əməliyyatlar vasitəsilə əldə etmək istədiyimizdən daha çox şeyə nail olduq. Müharibəni qazandıq və qazanclar danışıqlar yolu ilə formalaşacaq”.

 Mürtəza