Polşanın keçmiş baş naziri: Uraynalılar MiQ-ləri və tankları qaytarsınlar

Polşanın keçmiş baş naziri Leşek Miller Ukrayna tərəfindən medallar əvəzinə Varşavaya silah və tanklar qaytarmağa çağırış edib.

"Ölkə.az" xəbər verir ki, o, bu barədə Polsat News televiziya kanalına bildirib.

"Hamı aldığını geri qaytarmağa belə çox can atırsa, MiQ-ləri, tankları və silahları geri qaytarsınlar. Bu, xoşməramlılıq jesti olardı, elə deyilmi?", - o deyib.

Bu həftə Polşa prezidenti Karol Navrotski Ukrayna prezidenti Volodimir Zelenskini respublikanın ən yüksək mükafatı olan "Ağ Qartal" ordenindən məhrum edib . Səbəb Ukrayna Silahlı Qüvvələrinin bir briqadasına "Ukrayna Üsyançı Ordusunun Qəhrəmanları"nın (UPA) adının verilməsi idi. Ukrayna lideri ordenini poçtla qaytarıb və eyni mükafatın Böyük Yekaterina, Benito Mussolini və Gerhard Şröderə verildiyini qeyd edib.

Həmrəylik nümayişi olaraq, Ukraynanın üç keçmiş prezidenti - Leonid Kuçma , Viktor Yuşşenko və Petro Poroşenko ən yüksək Polşa mükafatlarından imtina edərək onları Varşavaya qaytarıblar. Xarici işlər naziri Andrey Sibiha da daxil olmaqla, digər yüksək vəzifəli Ukrayna rəsmiləri də eyni addımı atıblar.

Elvin

Ölkə.az