Zəlzələdə ölənlərin sayı 164 nəfərə çatdı, 971 yaralı var
Venesuelada ardıcıl baş verən 7,2 və 7,5 bal gücündə iki zəlzələ nəticəsində ölənlərin sayı 164 nəfərə çatıb, 971 nəfər yaralanıb.
Ölkə.az xəbər verir ki, bunu ölkənin müvəqqəti prezidenti Delsi Rodriqes deyib.
Onun sözlərinə görə, axtarış-xilasetmə işləri davam edir. Delsi Rodriqes ölənlərin sayının arta biləcəyini də vurğulayıb.
Müvəqqəti prezident onu da bildirib ki, Venesuelada fövqəladə vəziyyət elan olunması barədə xüsusi fərman imzalayıb.
Mətbuat konfransında çıxış edən D.Rodriqes böhranla mübarizə aparmaq üçün Baş Qərargah daxilində fövqəladə mexanizmlərin işə salındığını və Simon Bolivar Beynəlxalq Hava Limanının növbəti xəbərdarlığa qədər bağlanacağını açıqlayıb.
Mürtəza
