Çindən ABŞ-a çağırış: Tayvanla əlaqələri kəsin
“ABŞ heç bir halda Tayvanla rəsmi əlaqə, o cümlədən federal və yerli hökumət səviyyələrində qarşılıqlı əlaqə saxlamamalıdır”.
Ölkə.az xəbər verir ki, bunu Çin Xarici İşlər Nazirliyinin sözçüsü Quo Ciakun brifinqdə deyib.
“Çin ABŞ-ın Çinin Tayvan bölgəsi ilə hər hansı rəsmi əlaqəsinə ardıcıl və qətiyyətlə qarşı çıxır. Tayvanla yalnız qeyri-rəsmi münasibətlərin saxlanması ABŞ-nin Çin və ABŞ arasında diplomatik münasibətlərin qurulması ilə bağlı kommünikedə açıq şəkildə verdiyi öhdəlikdir”, -çinli diplomat qeyd edib.
Diplomat Vaşinqtonu “vahid Çin” prinsipinə və üç Çin-ABŞ birgə kommünikesinə riayət etməyə, eləcə də ABŞ Prezidenti Donald Trampın vədlərini yerinə yetirməyə çağırıb. XİN rəsmisinin sözlərinə görə, ABŞ Tayvanın müstəqilliyini müdafiə edən qüvvələrə səhv siqnallar göndərməməlidir.
Mürtəza
