Rusların İtaliyaya Şengen vizası alması daha da çətinləşəcək
Rus turistlərinin məşhur Avropa ölkəsinə - İtaliyaya Şengen vizası alması daha da çətinləşəcək.
"Ölkə.az" xəbər verir ki, Şengen vizası verilməsi tələblərindəki dəyişikliklər VMS viza müraciət mərkəzinin veb saytında elan edilib.
Xəbərdarlıqda bildirilir ki, müraciətlərin çoxluğu səbəbindən işlənmə müddəti təqdim edildiyi tarixdən etibarən 60 günə qədər artırılır.
Veb saytda deyilir: "Səyahətinizin nəzərdə tutulan başlanğıc tarixindən ən azı üç ay əvvəl sənədləri təqdim etməyi tövsiyə edirik!".
Əvvəllər ruslara Avropa İttifaqına (Aİ) səyahət edərkən minik biletlərini saxlamaları tövsiyə olunurdu. Qeyd olunub ki, Aİ Avropa hava limanlarında pasportlarda kağız möhürləri tamamilə aradan qaldırdığı üçün əvvəlki vizaların istifadəsini sübut etmələri tələb oluna bilər.(musavat.com)
