Venesuelada zəlzələlərdə ölənlərin sayı kəskin artdı
Venesuelada baş verən zəlzələlərdə ölənlərin sayı 235 nəfərə çatıb.
Ölkə.az xəbər verir ki, bunu ölkənin səhiyyə naziri Karlos Alvarado bildirib.
Onun sözlərinə görə, ardıcıl zəlzələlər nəticəsində həyatını itirənlərin sayı artmaqda davam edir.
Nazir deyib ki, 4300-dən çox şəxs yaralanıb.
Bundan başqa, 157 nəfər itkin düşüb, 200 nəfər dağıntılar altında qalıb və 2 927-dən çox ailə zərər çəkib.
Bundan əvvəl Venesuelada baş verən zəlzələlər nəticəsində ən azı 188 nəfərin öldüyü, 1520 nəfərin isə yaralandığı bildirilmişdi.
Çərşənbə axşamı yerli vaxtla və cümə axşamı səhəri Venesuelada 7,2, 7,5 və 4,5 bal gücündə zəlzələlər baş verib. Ölkənin şimalında yerləşən La Quayra ştatı ən çox zərər çəkib. Ora fəlakət zonası elan edilib. Hakimiyyət orqanları xilasetmə əməliyyatları aparır.
Mürtəza
