Ukrayna MiQ-29 qırıcı təyyarəsi qəzaya uğrayıb

İyunun 27-də Ukrayna Müdafiə Qüvvələrinə məxsus MiQ-29 qırıcı təyyarəsi qəzaya uğrayıb.

Ölkə.az xəbər verir ki, bu barədə Ukrayna Hərbi Hava Qüvvələri məlumat yayıb.

Bildirilib ki, qəza pilotun Poltava vilayəti üzərində uçuş həyata keçirdiyi zaman baş verib. Pilot qəza zamanı katapult edərək xilas ola bilib.

Təyyarənin qəzaya uğrama səbəbi və hadisənin başvermə şəraiti hazırda araşdırılır.

MiQ-29 digər ölkələrlə yanaşı, Ukraynada da xidmətdə olan dördüncü nəsil sovet istehsalı çoxməqsədli qırıcı təyyarəsidir.

Mürtəza