Yaponiyada baş verən zəlzələdə onlarla insan xəsarət alıb
Yaponiyanın dörd prefekturasında baş verən zəlzələ nəticəsində iyirmi nəfər xəsarət alıb.
"Ölkə.az" xəbər verir ki, 5,6 bal gücündə zəlzələ iyunun 26-da baş verib.
Məlumata görə, Tokioda altı, Yamanaşi prefekturasında səkkiz, Kanaqava və Şizuoka prefekturalarında isə hər birində üç nəfər xəsarət alıb.
Zəlzələnin episentri 20 kilometr dərinlikdə olub. Yaponiyada istifadə edilən yeddi ballıq şkala üzrə onun maksimum maqnitudası altı bal olub. Yaponiya Meteorologiya Agentliyinin məlumatına görə, bu maqnitudalı zəlzələ ayaq üstə durmağı çətinləşdirir və bərkidilməmiş mebellər düşə bilər. Sunami təhlükəsi elan edilməyib. Zəlzələ Yamanaşi, Saytama və İbaraki prefekturalarında təxminən 2860 ev təsərrüfatını elektriksiz qoyub.
Elvin
Ölkə.az
