Polisin əməliyyatı dünyanı ŞOKA SALDI: 16 uşaq girovluqdan azad edildi

Ölkə.az xəbər verir ki, hadisə ABŞ-nin ştatının 1000 nəfərdən az əhalisi olan Hamden kəndində baş verib.

Hadisə barədə məlumat verən Ohayo ştatının baş prokuroru Endi Uilsonun sözlərinə görə, polis əməkdaşları ayrıca araşdırma apararaq kənd ərazisindəki xarabalığa çevrilmiş bir evə girən polis əməkdaşları illərdir nəcis və zibillə əhatə olunmuş bir otaqda uzun müddət ərzində əsirlikdə saxlanılan 16 uşağı aşkar edərək onları xilas ediblər.

Vinton Şəhər Şerifi Rayan Keynin paylaşdığı detallar uşaqların məruz qaldığı vəhşiliyin miqyasını ortaya çıxarıb. Məlumata görə, ev çoxlu miqdarda zibil və tullantıları ilə örtülü olub, hətta bəzi uşaqlar danışmaq qabliyyətini itirib. İnkişaf əlilliyi olan 18 yaşlı bir gənc hətta öz adını belə yaza bilməyib.

Mətbuat konfransında çıxış edən Şerif Rayan Keyn evdəki dəhşətli mənzərəni təsvir edərək deyib: "Heyvanlarımızın əksəriyyəti uşaqlardan daha yaxşı şəraitdə saxlanılırdı".

Baş prokuror Endi Uilson gördüklərini karyerasında indiyə qədər rastlaşdığı ən dəhşətli mənzərə olduğunu bildirib.

Müstəntiqlərin araşdırmalarına görə, uşaqların son dörd ilin çox hissəsini evin içərisində kiçik bir otaqda keçirdiyi güman edilir. Uşaqların evdə necə saxlanıldığı ilə bağlı təfərrüatlar hələ tam açıqlanmasa da, evdə heç bir qəfəs tapılmadığı qeyd edilib.

Hadisə ilə bağlı “ciddi fiziki zərər vurmaqla uşaqları təhlükəyə atmaq" ittihamı ilə üzləşən valideynlər və nənə-babalar Qari Sayders Jr., Qari Sayders Sr., Kristina Sayders və Elizabet Sayders çərşənbə günü məhkəmə qarşısına çıxarılıblar. Hadisənin insan alveri məsələsi olmadığını, "ailə məsələsi" olduğu vurğulanıb.

İstintaq araşdırması ailənin bu vəhşiliyi necə gizlətdiyi ilə bağlı təfərrüatları ortaya çıxmağa başlayıb. Məlum olub ki, ailə son 20 ildə dəfələrlə cənubi Ohayo ştatındakı ünvanlarını dəyişib, uşaqlarını məktəbə yazdırmayıb və sağlamlıq və rəsmi sənədlərdən məharətlə yayınıb.

Altı ildir eyni küçədə yaşayan qonşu Cozef Stüart, ailənin köçdüyündən bəri evdə heç vaxt uşaq görmədiyini bildirərək, məhəllənin yaşadığı şoku dilə gətirib.