Avrokomissiyanın Prezidenti İrəvanda: “Gəlmişəm deyəm ki...”

Ölkə.az xəbər verir ki, bunu Avropa Komissiyasının Prezidenti Ursula fon der Lyayen İrəvanda Ermənistanın Baş naziri Nikol Paşinyanla birgə brifinqdə deyib.

Regional proseslərdən danışan Lyayen Azərbaycanla Ermənistan arasında sülh müqaviləsinin paraflanmasının və Ankara-İrəvan münasibətlərinin normallaşdırılmasının tarixi əhəmiyyətini vurğulayıb. Onun sözlərinə görə, bunun üçün siyasi iradə və cəsarət tələb olunur, lakin nəticələr təsirli olacaq və regionu həyati bir yol ayrıcına çevirəcək.

Ermənistanın Rusiyanın ciddi iqtisadi təzyiqləri və zorakılıq təhlükəsi ilə üzləşdiyini vurğulayan Avropa Komissiyasının Prezidenti əmin edib ki, tərəfdaşlara təzyiq artdıqda, Aİ dəstək verir. O, Ermənistan məhsullarnın Avropa bazarına ixracına dəstək göstərəcəyinə söz verib. Ursula fon der Lyayen bunun üçün ixrac agentliyinin yaradılmasını dəstəkləmək məqsədi ilə 18 milyon avro ayırmaq niyyətində olduğunu açıqlayıb.

Avrokomissiyanın Prezidenti Ermənistanın sərhəd kəndlərinin iqtisadi inkişafı, mikromüəssisələrin, soyuducu qurğuların yaradılması və su ehtiyatlarının idarə olunması üçün daha 20 milyon avro ayıracaqlarını vəd edib: “Ümumilikdə, bu, dialoq üçün zəmin yaradacaq və sülh üçün konkret nəticələrə imkan verəcək”.

Mürtəza