Rusiya məhkəməsi Mirzoyana hökm oxudu - 18 il həbs 

Ölkə.az xəbər verir ki, bu barədə Rusiya Federal Təhlükəsizlik Xidmətinin (FSB) İctimaiyyətlə əlaqələr mərkəzi məlumat yayıb.

Bildirilib ki, İkinci Qərb Hərbi Dairə Məhkəməsi Rusiya vətəndaşlarından ibarət mütəşəkkil dəstənin üzvləri Korneev, Pliçuk və Mirzoyanı Rusiya Federasiyasının təhlükəsizliyinə qarşı yönəlmiş fəaliyyətlərdə xarici dövlətə yardım göstərməklə xəyanət etməkdə günahkar bilib. 
“Oryol Vilayəti üzrə FSB İdarəsinin müstəntiqləri tərəfindən müəyyən edildiyi kimi, 56 yaşlı Roman Korneyev və Moskvadan 36 yaşlı Oleq Mirzoyan, eləcə də İvano-Frankovskdan olan 32 yaşlı Taras Pliçuk Ukrayna Müdafiə Nazirliyinin Baş Kəşfiyyat İdarəsinin rəhbərinin əmri ilə Tulada hərbi hissənin ərazisində terror aktı törətməyi planlaşdırıblar. 2025-ci ilin fevral ayında onlar anbardan 1135 kq partlayıcı maddə və iki elektrik detonatoru çıxarmaq üçün Oryol vilayətinə səfər ediblər və orada FSB əməkdaşları tərəfindən saxlanılıblar. Onlardan həmçinin “Kalaşnikov” avtomatı (AKS-74U), tapança (PB 6P9), beş mülki odlu silah və müxtəlif kalibrli 153 patron müsadirə ediblər.

Onlar dövlətə xəyanət, terror aktına hazırlıq, qanunsuz silah qaçaqmalçılığı, partlayıcı maddələrin qanunsuz əldə edilməsi və daşınmasına cəhd və partlayıcı qurğuların qanunsuz istehsalına hazırlıqda ittiham olunublar.

Məhkəmə Korneevi 22 il, Mirzoyanı 18 il azadlıqdan məhrum edib. Onlar cəzalarının ilk 5 ilini ciddi rejimli həbsxanada, qalanı isə cəzaçəkmə müəssisəsində çəkməlidirlər. Pliçuku isə 17 il həbs cəzası alıb. O, cəzasının ilk 4 ilini ciddi rejimli həbsxanda çəkəcək. Məhkəmə onları həmçinin 1,3-1,5 milyon rubl (təqribən 32 400 AZN-red) həcmində cərimə olunması barədə qərara çıxarıb”, - FSB-nin məlumatında qeyd olunub. 

Mürtəza