Cey Di Vens: “Rusiya artıq tükənib, hücum imkanları sıfırdır”
Ölkə.az xəbər verir ki, bunu ABŞ-nin vitse-prezidenti Cey Di Vens “The Times”ə müsahibəsində deyib.
“Düzünü desəm, rusların hazırda hücum əməliyyatlarının davam etməsindən əldə edə biləcəkləri fayda heç bir əhəmiyyət daşımır və sıfıra yaxınlaşır. Onlar indi bu vəziyyətdədirlər”, - o söyləyib.
Cey Di Vens bildirib ki, Rusiya Prezidenti Vladimir Putinin ordusu Ukraynada ələ keçirdiyi ərazinin hər kvadrat kilometri üçün çox yüksək bədəl ödəyir.
Vitse-prezident əlavə edib ki, bu vəziyyət Tramp administrasiyasının Ukraynaya tamamilə müdafiəyə diqqət yetirməyi tövsiyə etməsindən sonra yaranıb.
Onun sözlərinə görə, Rusiya qoşunlarını zəiflətmək üçün dronlardan geniş istifadə işğal olunmuş əraziləri böyük hücumlar vasitəsilə geri almaq cəhdlərindən daha təsirli bir taktikaya çevrilib. “Ukraynanın uğurlu müdafiəsi və Rusiyanın hücum potensialının tükənməsi müharibəyə son qoymaq üçün fürsət pəncərəsi açır”, - ABŞ-nin vitse-prezidenti vurğulayıb.
Mürtəza
