ABŞ prezidenti: Qrenlandiya Danimarkaya yox, Amerikaya lazımdır
Ölkə.az xəbər verir ki, Ankarada keçirilən NATO sammiti ərəfəsində Türkiyə Prezidenti Rəcəb Tayyib Ərdoğanla ikitərəfli görüş zamanı Tramp Danimarkanın Qrenlandiyanın inkişafına kifayət qədər sərmayə qoymadığını bildirib.
"Çinin genişlənməsi və Rusiyanın Arktika bölgəsindəki mövcudluğu fonunda adanın mövqeyi getdikcə daha vacib olur. Qrenlandiyanın Danimarkaya xeyri yoxdur. Danimarka da Qrenlandiyaya əslində kömək etmək üçün pul xərcləmir, amma bu, ABŞ üçün vacib bir ərazidir. O, Çin və Rusiya gəmiləri ilə əhatə olunub və bu, davam etməyəcək" - Tramp qeyd edib.
Tramp yekun olaraq bildirib ki, Qrenlandiya Danimarkanın yox, ABŞ-nin nəzarəti altında olmalıdır.
Tramp əvvəllər Qrenlandiya üzərində nəzarəti təmin etmək üçün hərbi gücdən istifadə ehtimalını istisna etməyib.
