“Sabah” Çempionlar Liqasında qələbə ilə başladı
UEFA Çempionlar Liqasının I təsnifat mərhələsinin ilk oyununda Azərbaycan çempionu “Sabah” doğma meydanda Uels təmsilçisi TNS-i qəbul edib.
Ölkə.az xəbər verir ki, Masazırdakı “Bank Respublika Arena”da keçirilən qarşılaşma “bayquşlar”ın 2:0 hesablı qələbəsi ilə başa çatıb.
“Sabah”ın ilk qolunu 66-cı dəqiqədə Velko Simiç ilə açıb. 84-cü dəqiqədə Kahim Parris fərqlənərək yekun hesabı müəyyənləşdirib.
Oyunun 90+2-ci dəqiqəsində TNS-in futbolçusu Stiv Solvet ikinci sarı vərəqəni alaraq meydandan qovulub.
Qeyd edək ki, komandalar arasında cavab görüşü iyulun 15-də Uelsdə keçiriləcək.
