Hörmüz boğazında yalnız bu ölkələrə güzəşt tətbiq olunacaq
İran Hörmüz boğazından keçidlə bağlı Çin və digər dost hesab etdiyi ölkələrə xüsusi imtiyazlar verməyi planlaşdırır.
Ölkə.az xəbər verir ki, bu barədə "The Wall Street Journal" məlumat yayıb.
Nəşrin yazdığına görə, Tehran uzun müddətdir Hörmüz boğazından keçən gəmilərdən xidmət haqqı alınmasını və keçidlərin İranın razılığı əsasında həyata keçirilməsini nəzərdən keçirir. Bu sistem çərçivəsində Çin və İranın dost hesab etdiyi digər ölkələr üçün xüsusi güzəştlərin tətbiqi mümkün sayılır.
Məqalədə İranın Çindəki səfiri Əbdürrza Rəhmani Fəzlinin Pekində verdiyi açıqlamaya da yer verilib. Diplomat bildirib ki, İran Hörmüz boğazından keçən gəmilərdən xidmət haqqı almağı planlaşdırır. Bununla yanaşı, Çin və digər dost ölkələr üçün bu ödənişlərlə bağlı xüsusi yanaşmanın tətbiq oluna biləcəyini də qeyd edib.
