Rusiyada miqrantlarla bağlı yeni qayda - Azərbacanlılar da…
Ölkə.az xəbər verir ki, qanunverici orqanın iyulun 8-də keçirilən iclasında deputatlar “Rusiya Federasiyasında xarici vətəndaşların hüquqi statusu haqqında” qanuna təklif olunan dəyişiklikləri ikinci və üçüncü oxunuşlarda təsdiqləyiblər.
Dəyişikliyə əsasən, miqrant və onun uşaqları patentləri ləğv edildikdə və ya yenilənmədikdə Rusiyanı 15 gün ərzində tərk etməlidirlər.
Eyni zamanda, əmək miqrantlarının uşaqları 18 yaşına çatdıqdan sonra 30 gün ərzində Rusiya Federasiyasını tərk etməli və ya patent almalıdırlar.
Yeni qanuna görə, miqrantlardan özlərini və uşaqlarını yaşayış minimumundan aşağı olmayan səviyyədə təmin etmək üçün kifayət qədər rəsmi gəlir tələb olunacaq.
Dövlət Dumasının sədri Vyaçeslav Volodin bildirib ki, bununla da Daxili İşlər Nazirliyinə və digər qurumlara ölkənin, vətəndaşların maraqları naminə miqrasiya siyasətini effektiv şəkildə həyata keçirməyə və asayişi bərpa etməyə imkan verəcək hüquqi çərçivə yaradılıb.
Mürtəza
