Haluk Leventdən saxlanıldıqdan sonra ilk açıqlama: “Əsl bombanı gözləyin”
Ölkə.az xəbər verir ki, Levent paylaşımında diqqətçəkən ifadələr işlədib.
“Əziz dostlarım, saxlanılmazdan əvvəlki axşam Daxili İşlər nazirinin müavini Bülənt Turana mesaj göndərdim. Artıq 15 gündür ki, hər gün ona mesaj yazmağa davam edirəm.
Dedim ki, cənab nazir, mənim şəxsi həyatımı "Ahbap"la əlaqələndirməyə çalışırlar. Təcili gəlin, zəlzələ dövründən bu günə qədər olan bütün fəaliyyəti yoxlayın və nəticələri ictimaiyyətlə paylaşın. Şəxsi borc-alacaq münasibətlərimi "Ahbap"la əlaqələndirməyin”, – deyə Levent bildirib.
O, həmçinin bildirib ki, hazırkı vəziyyətdə həqiqətin üzə çıxması müəyyən vaxt tələb etsə də, sonda haqlı olduqları sübuta yetiriləcək.
“Əsl bombanı gözləyin. Yaxın günlərdə verəcəyim açıqlamalarda hər şeyi görəcəksiniz. Bu prosesin necə başladığını və bu mərhələyə necə gəlib çatdığını öyrənəndə çox təəccüblənəcəksiniz.
Bir daha vurğulamaq istəyirəm ki, şəxsi borc-alacaq münasibətlərimdə AHBAP-ın heç bir rolu yoxdur. Lakin israrla bunu "Ahbap"la əlaqələndirməyə çalışırlar. Zaman hər şeyi göstərəcək”, – deyə o qeyd edib.
Həmidə İbrahimova
