"AŞPA-nı girov kimi saxlayırlar" - SƏMƏD SEYİDOV KİMLƏRİN ADINI ÇƏKDİ?
Bunu Ölkə.az-a açıqlamasında Milli Məclisin Beynəlxalq münasibətlər və parlamentlərarası əlaqələr komitəsinin sədri, Azərbaycanın Avropa Şurası Parlament Assambleyasındakı (AŞPA) nümayəndə heyətinin keçmiş rəhbəri Səməd Seyidov deyib.
O bildirib ki, AŞPA belə bir ədalətsiz, qeyri-obyektiv qərar verəndə nəticələrini düşünməli idi:
“Prezident İlham Əliyev də açıq şəkildə bəyan etdi ki, Azərbaycanla bağlı qərar insan hüquqları ilə bağlı deyil. Bu, ölkəmizin öz ərazi bütövlüyünü təmin edib, suverenliyini bərpa etdiyi, separatizmin kökünü kəsdiyinə görə qəbul edilən sanksiyadır. Fəaliyyəti dondurmaq Azərbaycanın təşəbbüsü deyil, AŞPA-nın qərəzli mövqeyinin nəticəsidir".
S.Seyidov vurğulayıb ki, Azərbaycan hazırda İnsan Hüquqları üzrə Avropa Məhkəməsinin hakiminin seçilməsi prosesində iştirak etmirsə, onu tanmırsa və ünsiyyət qurmursa, məhkəmənin qəbul etdiyi qərarları necə icra edə bilər: "Bu, mümkün olan şey deyil".
Komitə sədri bildirib ki, Avropa Şurası özünü faktiki olaraq Cənubi Qafqaz regionundan təcrid edib, indi isə fikrindən daşınaraq əlaqələri bərpa etmək üçün cəhdlər göstərir:
"Avropa ŞUrası anlamalıdır ki, artıq bu gün Azərbaycan fərqli Azərbaycandır, Avropa Şurası da fərqli təşkilatdır. Ölkəmiz güclü, beynəlxalq nüfuza malik dövlətdir. Avropa Şurası isə artıq böhranlar işərisində çabalayan, əvvəlki təsir imkanlarını itirib, müəyyən şəxslər və qruplar tərəfindən bir alət kimi istifadə olunan quruma çevrilib. Təbbi ki, belə vəziyyətə olan qurumla əlaqələr qurmaq düz deyil. Nə vaxtsa, səhvlərini anlayıb özlərində güc taparlarsa, o zaman Azərbaycanın yenidən AŞPA-da fəaliyyətinin bərpasını müzakirə etmək olar. Əks halda bunun üçün heç bir lüzum yoxdur”.
S.Seyidov əlavə edib ki, bu gün AŞPA-da Azərbaycanla əməkdaşlıq etmək istəyənlər var, ancaq bunlar çox azdır: “Amma AŞPA rəhbərliyi tərəfindən belə təşıbbüslərin şahidi olmuruq. Bəziləri AŞPA-nı öz məqsədlərinə çatmaq üçün girov kimi saxlayırlar, sanki Azərbaycanla münasibətlərdən çəkindirməyə çalışırlar. Siyasi sifrişləri həyata keçirməklə məşğuldurlar. Mən onların adını da çəkə bilərəm. Onlardan biri Şvabedir”.
Mürtəza
