Venesuelada zəlzələ qurbanlarının sayı 4829 nəfərə çatıb
Venesuelada baş verən güclü zəlzələlər nəticəsində həlak olanların sayı 4829 nəfərə yüksəlib.
Ölkə.az xəbər verir ki, bu barədə Milli Assambleyanın sədri Xorxe Rodriges məlumat verib.
Bildirilib ki, zəlzələlər nəticəsində 16 740 nəfər xəsarət alıb, 6462 nəfər isə xilas edilib.
Məlumata görə, 128 324 ailəyə yardım göstərilib, 17 907 nəfər evsiz qalıb. Hazırda 106 müvəqqəti düşərgədə 20 857 nəfər yerləşdirilib.
Təbii fəlakətin nəticələrinin aradan qaldırılması üçün 30 989 hərbçi, 31 315 könüllü və 2408 beynəlxalq xilasedici cəlb olunub. Həmçinin 34 872 nəfərə tibbi yardım göstərilib.
Xorxe Rodrigesin sözlərinə görə, zərərçəkənlərə 10 min tondan çox ərzaq və 24 milyon litrdən artıq içməli su çatdırılıb. Bundan əlavə, indiyədək 1284 afterşok qeydə alınıb.
Həmidə İbrahimova
