Afrikada narıncı-dodaqlı yeni meymun növü aşkarlandı - FOTO
Ölkə.az Trend-ə istinadən xəbər verir ki, bioloqların bu tapıntısı barədə məqalə “The Independent” nəşrində dərc olunub.
Bu kəşf olduqca mühüm hesab olunur. Belə ki, “Colobus congoensis” son 75 ildə təsvir edilən cəmi beşinci yeni Afrika meymunu növüdür və müasir primatologiyada ən nadir tapıntılardan biri sayılır.
Növün mövcudluğu 2008-ci ildə təsadüfi müşahidədən və on il sonra əldə edilən daha aydın görüntülərdən sonra genetik, anatomik və akustik məlumatların, o cümlədən ona məxsus unikal gurultulu səslərin hərtərəfli təhlili nəticəsində təsdiqlənib.
Bu meymun yalnız Konqo Demokratik Respublikasının şərq-mərkəzi hissəsində, Lomami və Konqo (Lualaba) çayları arasındakı interflyuv (iki çay arasındakı ərazi) bölgəsində yaşayır. Xarici görünüşü parlaq qara xəz, çiyinlərdə pelerini xatırladan tük örtüyü, uzun sallanan quyruq və iri, bükülü qulaqlarla səciyyələnir.
