Zaxarova Almaniya səfirinin əlini sıxmaqdan imtina etdi - SƏBƏB

Rusiya Xarici İşlər Nazirliynin sözçüsü Mariya Zaxarova Almaniyanın Moskvadakı səfiri Aleksandr Qraf Lambsdorffla görüş zamanı onun əlini sıxmaqdan imtina edib.

Ölkə.az-ın xəbərinə görə, nazirlik rəsmisi bunu almaniyalı diplomatın rusofob olması ilə əsaslandırıb.

M.Zaxarova bildirib ki, diplomatik protokol danışıqlar aparan şəxsi qarşılayanda əl sıxmağa məcbur etmir. O, görüşün əvvəlində hər iki tərəf üçün mövcud olan protokolla müəyyənləşdirilmiş seçimdən yararlandığını bildirib.

“Üstəlik, protokol, digər məsələlərlə yanaşı, mövqe bəyanatıdır. Mən jestimlə açıq rusofobiya ilə bağlı mövqeyimi bildirdim”, - XİN sözçüsü vurğulayıb.

Qeyd edək ki, Aleksandr Qraf Lambsdorff Rusiyada səlahiyyət müddəti bitib. O, iyulun 16-da vəzifəsindən ayrılmazdan əvvəl ölkəsinin “Der Spiegel” nəşrinə müsahibə verib. Diplomat deyib ki, Rusiya Xarici İşlər Nazirliyinə çağırılan zaman M.Zaxarova ilə görüşüb. Lakin Rusiya XİN rəsmisi görüşün əvvəlində diplomatın əlini sıxmaqdan imtina edib.

Mürtəza