Ukrayna Tambovu vurdu - Zelenskidən AÇIQLAMA
Ötən gecə Rusiya Silahlı Qüvvələri Ukrayna Silahlı Qüvvələrinə təchizatın çatdırılması üçün istifadə edilən Ukrayna limanlarına zərbələr endirib.
Ölkə.az xəbər verir ki, bu barədə Rusiya Müdafiə Nazirliyi məlumat yayıb.
"Odessa limanına hava və yerüstü dəqiq silahlar və hücum dronlarının zərbələri nəticəsində yanacaq və sürtkü yağlarının boşaldılması üçün istifadə olunan liman infrastruktur obyektləri, eləcə də Ukrayna Silahlı Qüvvələri üçün nəzərdə tutulmuş yanacaq və sürtkü yağlarının saxlanma çənləri zədələnib. Bundan əlavə, Çornomorsk limanında və dəniz keçidlərində hərbi yük daşıyan iki dəniz gəmisi vurulub", - Rusiya Müdafiə Nazirliyinin məlumatında deyilir.
Ukrayna Silahlı Qüvvələrinin zərbələri nəticəsində Noqinskdəki neft anbarında yanğın baş verib. Yanğın yerinə yaxın yerləşən doğum evi təxliyə edilib, xəstələr isə digər tibb müəssisələrinə köçürülüb.
Ukrayna dronlarının Tambov bölgəsindəki Wildberries logistika mərkəzinə zərbə endirməsi nəticəsində yeddi nəfərin öldüyü, daha 24 nəfərin yaralandığı da bildirilib.
Prezident Volodimir Zelenski Ukraynanın uzunmənzilli dronları Rusiya ərazisində üç istiqamətdə, eləcə də müvəqqəti işğal olunmuş Ukrayna ərazisində və dənizdə istifadə etdiyini təsdiqləyib.
"Rusiyanın mülki infrastrukturumuza zərbələrinə cavab olaraq, şəhər və qəsəbələrimizdəki iki əsas logistika obyektinə zərbə endirilib - Moskva və Tambov vilayətlərində, cəbhə xəttindən 500 kilometrdən çox və təxminən 700 kilometr məsafədə", - Zelenski qeyd edib.
Zelenski əlavə edib ki, Rusiyanın neft obyekti də vurulub. "Bundan əlavə, Ukraynanın orta mənzilli raketləri Azov dənizindəki, Qara dənizdəki və müvəqqəti işğal altında olan Krımdakı hədəfləri vurub", - Zelenski vurğulayıb.
Mürtəza
