Səudiyyə Ərəbistanında faciə: Çoxsaylı ölü, Türkiyə vətəndaşları da var
Səudiyyə Ərəbistanının Ər-Riyad şəhərində qaldıqları evdə baş verən yanğında Hataydan olan dörd türk işçi həlak olub.
Ölkə.az xəbər verir ki, Səudiyyə Ərəbistanının paytaxtı Ər-Riyadın Əl-Nəsim rayonunda işçilərin yaşadığı evdə baş verən partlayış və sonradan baş verən yanğın böyük faciə ilə nəticələnib. Məlumata görə, hələlik müəyyən edilməmiş səbəbdən işçilərin qaldığı evdə partlayış baş verib. Partlayışdan sonra başlayan yanğın sürətlə yayılaraq bütün evi bürüyüb. Məlumatdan sonra hadisə yerinə çoxsaylı yanğınsöndürmə və tibbi briqadalar göndərilib.
İlkin məlumata görə, Hatayda qeydiyyatda olan dörd vətəndaş həyatını itirib. Bundan əlavə, iki Misir vətəndaşının da yanğında öldüyü məlum olub.
Mərhumların yaxın günlərdə Hatayın Samandağ rayonunda dəfn olunacağı bildirilir.
Mürtəza
