İrəvanda Fransanın milli bayramında şok olay: Qonaqlar xəstəxanalıq oldu

Ermənistanda Fransanın Milli Gününə həsr olunmuş tədbirdə iştirak edən qonaqların əksəriyyəti xəstəxanalıq olub. Ölkə.az “Armenian Media”ya istinadən xəbər verir ki, Ermənistandakı Fransa səfirliyində keçirilən bayram tədbirində iştirak edən çoxsaylı qonaq qida zəhərlənməsi ilə xəstəxanaya yerləşdirilib.

İyulun 14-də səfirlik Fransanın Milli Gününü (Bastiliyanın alınması günü - red.) qeyd edib. Tədbirdə rəsmi, siyasi və ictimai xadimlər, səfirlər və digərləri də daxil olmaqla çox sayda qonaq iştirak edib.

Tədbirdən bir neçə saat sonra çoxsaylı tədbir iştirakçısı bağırsaq infeksiyası simptomları ilə tibbi yardıma müraciət edib.

Dəniz məhsullarından hazırlanmış yeməklərin təqdim edildiyi tədbir və qəbul açıq havada, qızmar istidə baş tutub. Tədbir iştirakçılarını yeməklə Marriott restoranı təmin edib.

Qeyd edək ki, tədbirin qonaqları arasında Ermənistan Baş nazirinin müavini Mqer Qriqoryan, səhiyyə nazirinin müavini Lena Nanuşyan, müdafiə nazirinin müavini Arman Sarkisyan, Baş Qərargah rəisi Eduard Asryan, İrəvan merinin müavini Levon Ovannisyan və başqaları olub.

Mürtəza