Zelenski Trampla görüşəcək - Tarix açıqlandı
Ölkə.az “Suspilne”yə istinadən xəbər verir ki, Zelenskinin ABŞ-a səfəri iyulun 28-nə planlaşdırılıb.
Zelenski səfər zamanı senator Lindsi Qrehemin dəfn mərasimində iştirak edəcək və Prezident Donald Trampla şəxsən görüşəcək, - nəşr yazıb.
Görüşdə əsas müzakirə predmeti Rusiya-Ukrayna müharibəsinə son qoymaq, cəbhə xəttindəki vəziyyət, Ukraynaya hərbi dəstək kimi məsələlər müzakirə ediləcək.
Qeyd edək ki, ABŞ Prezidenti Donald Tramp müharibənin bitməsi üçün səylərini davam etdirdiyini bəyan edib.
"Mən ona eyni şeyi təkrarlayıram. Təfərrüatlara varmaq istəmirəm, amma deyirəm ki, 'Vladimir, dayanmağın vaxtıdır. Bu müharibəyə son qoymağın vaxtıdır'", - Tramp bildirib.
Onu da xatıraldaq ki, Trampın Zelenskiyə qarşı münasibəti kəskin dəyişib və ona isti münasibət bəsləyir.
Zelenski Trampla münasibətlərindəki dönüş nöqtəsini 2025-ci ilin aprelində Vatikanda baş tutan şəxsi görüşü hesab edir. "İlk dönüş nöqtəmizi Romada, Vatikanda yaşadıq. Qısa görüş oldu, amma mən həmişə demişəm ki, mənim fikrimcə, bu, tarixi bir an idi, çünki 15-20 dəqiqə ərzində münasibətlərimizi dəyişdik", - Zelenski qeyd edib.
Zelenski görüş zamanı ətrafda ikisindən başqa heç kimin olmadığını vurğulayıb.
O, bu söhbətin təfərrüatlarını açıqlamayıb, lakin qeyd edib ki, məhz liderlər arasında etibarlı dialoq böyük əhəmiyyət kəsb edir.
"Mən çox xoşbəxtəm, çünki bu qədər insanın həyatı bu cür münasibətlərdən və bu cür dialoqdan asılıdır", - Ukrayna Prezidenti vurğulayıb.
Mürtəza
