Rusiya NATO ölkəsinin konsulluğunu bombaladı - Brüsseldən sərt cavab
Ölkə.az xəbər verir ki, Rusiya ordusu Latviyanın Ukraynadakı Fəxri Konsulluğuna hava zərbəsi endirib.
Bu Avropada ciddi rezonansa səbəb olub və Moskvanın bu addımı kəskin şəkildə qınanıb.
Avropa İttifaqının (Aİ) Xarici İşlər və Təhlükəsizlik Siyasəti üzrə Ali Nümayəndəsi Kaja Kallas, Rusiyanın Ukraynadakı Latviya Fəxri Konsulluğuna hücumundan sonra Rusiyanın Aİ-dəki nümayəndəsinin Aİ Xarici Əlaqələr Xidmətinə çağırıldığını açıqlayıb.
Avropa İttifaqı hücumla bağlı bəyanat yayıb və Kallas bəyanatı X sosial media hesabında paylaşıb.
Bəyanatda vurğulanıb ki, Rusiyanın Kiyevə və digər bölgələrə hücumları təsadüf deyil, qəsdən hədəfə alır. "Slavyanskdakı Latviya Fəxri Konsulluğunun bombalanması bir daha Moskvanın beynəlxalq hüquqa tamamilə məhəl qoymadığını göstərir. Biz Latviyaya tam dəstəyimizi təqdim etməyə davam edirik", - bəyanatda qeyd olunub.
Kallas həmçinin Rusiyanın hərbi-sənaye kompleksini hədəf alan yeni sanksiya siyahıları təklif etməyi planlaşdırdıqlarını bildirib.
Mürtəza
