Əhməd Əl Şaraa: “Suriya Livana hərbi müdaxilə etməyəcək”
Ölkə.az xəbər verir ki, bunu Suriyanın keçid dövrü Prezidenti Əhməd Əl Şaraa Qətərin “Əl-Cəzirə” televiziyasına müsahibəsində deyib.
O qeyd edib ki, Livanla Suriya böyük quru sərhədinə malikdir və ona görə də qonşu ölkədə baş verən hadisələr Dəməşqə birbaşa təsir göstərir. Dövlət başçısı həmçinin Livan daxilində gərginliyin artması ilə bağlı ciddi narahatlığını bildirib: “Livana hərbi müdaxilə etmək niyyətimiz yoxdur”.
Prezidentin sözlərinə görə, Suriya silahların yalnız Livan dövlətinin əlində cəmləşdirilməsi və mərkəzi hakimiyyətin gücləndirilməsinin vacibliyini dəstəkləyir:
“Silahları dövlətin nəzarətindən kənar qüvvələrin əlində saxlamaq ideyası 40 ildir ki, təbliğ olunur və bu da nəticədə bölgədə fəlakətli nəticələrə gətirib çıxarıb”.
Əhməd Əl Şaraa əlavə edib ki, Livan və İsrail arasındakı razılaşma Suriya-İsrail razılaşmasından tamamilə fərqli bir yolla inkişaf edir və tərkibindəki çoxlu boşluqlar olduğuna görə onun uğuruna şübhə ilə yanaşır.
Mürtəza
