Türkiyə yenə yasa boğuldu: 3 şəhid
Türkiyə Silahlı Qüvvələri Baş qərargahından Diyarbəkirin Sur rayonunda iki əsgər ilə bir polisin şəhid olduğu məlumatı açıqlanıb
Ölkə.Az xəbər verir ki, baş qərargahdan edilən açıqlamada bu ifadələrə yer verilib:
"19 fevral 2016-cı il Diyarbəkir vilayəti Sur rayonunda terrorçulara qarşı davam edən əməliyyatlar zamanı, separatçı terror təşkilatı mənsubu terrorçuların silahlı hücumu nəticəsində iki qəhrəman əsgərimiz və bir qəhrəman polisimiz ağır şəkildə yaralanmış, yaralılar dərhal xəstəxanaya aparılmış, lakin edilən bütün müdaxilələrə baxmayaraq onların həyatını xilas etmək mümkün olmamışdır.
Bizləri dərin bir kədər və hüznə boğan bu hadisədə həyatını itirən əziz şəhidlərimizə Allahdan rəhmət, ailələrinə, yaxınlarına, Türk Silahlı Qüvvələri və Polis Təşkilatımızın mənsublarına ilə uca türk millətinə səbr diləyirik".
Qeyd edək ki, Türkiyədə son 3 gündə terrorçuların kamikadze və silahlı hücuları nəticəsində 40-a yaxın əsgər və sivil həyatını itirib.
