NASA Marsdakı “Gecə labirintinin” görüntüsünü yaydı
NASA Marsdakı Gecə labirintlərindən birinin fotoşəklini göstərib.
Məlumata əsasən foto MRO (Mars Reconnaissance Orbiter) orbital stansiyasından HiRISE ( High Resolution Imaging Science Experiment) tədqiqat aləti vasitəsi ilə əldə olunub.
Şəkildə (göy rənglə) Marsın şərq hissəsində yerləşən və uzunluğu 1,2 kilomter olan ən böyük labirintin (kəsişən kanyona bənzəyir) tərkibində yarozit mineralının olması əks etdirilir.
Yer Kürəsində yarozit (kalium sulfat və dəmirdən ibarət mineral) vulkanik rayonlarda yayılıb.
Qrımızı planetdə yarozit ilk dəfə Meridiana platosunda aşkar olunub.
Bu mineralın Marsda olması planetdə keçmişdə aktiv vulkanların olmasının sübutudur. (oxu.az)
