İŞİD Suriya ordusunun təchizat dəhlizini tutdu
İŞİD terror təşkilatının yaraqlıları Hələb yaxınlığında Əsəd ordusunun təchizat yolunu ələ keçiriblər.
Ölkə.az xəbər verir ki, dünən gecə Rasm Ən-Nafal yaşayış məntəqəsinə hücuma keçən İŞİD yaraqlıları Əsəd birliklərini geri çəkilməyə məcbur ediblər.
Xatırladırıq ki, Hələb vilayətində hazırda ağır döyüşlər gedir. Döyüşlərə İran generalı Qasim Süleyman komandanlıq edir. Hələbi müxaliflərdən geri almaq üçün cəlb edilmiş Əsəd ordusunun birlikləri, İran islam inqilabını mühafizə korpusunun birlikləri və Hizbullah yaraqlıları bu əməliyyatda Qasim Süleymana tabedirlər.
