Türkiyə Səudiyyə Ərəbistanına silah satacaq
Türkiyə və Səudiyyə Ərəbistanı ortaq hərbi şirkət qurdu.
Ölkə.az xəbər verir ki, Türkiyənin ASELSAN şirkəti və Səudiyyə Ərəbistanının TAQNİA DST şirkətləri ortaq istehsal müəssisəsi yaratmaq barədə razılığa gəliblər.
Türkiyənin hərbi sənaye kompleksinin ən mühüm şirkətlərindən olan ASELSAN müdafiə təyinatlı onlarla ləvazimatın istehsalçısıdır.
ASELSAN hava hücumundan müdafiə radarları daxil olmaqla bu gün Türkiyənin elektron sahəsindəki bütün ehtiyaclarını qarşılayan şirkətdir.
Məlumata görə, ASELSAN və Səudiyyənin TAQNİA DST şirkəti təyyarədən tutmuş tanka, yüngül zirehli maşınlara qədər bütün növ texnilanın atış gücünü təkmilləşdirmək, modernizasiya etmək istiqamətində fəaliyyət göstərəcəklər. Bundan başqa Səudiyyə krallığının ordusunun bir çox silah ehtiyaclarını da Türkiyə şirkətləri qarşılayacaq.
