Misir təyyarəsi Aralıq dənizi üzərində yoxa çıxdı
Parisdən Misirə uçan A320 sərnişin təyyarəsi radarlardan itib.
Ölkə.Az xəbər verir ki, "EgyptAir" şirkətinə məxsus A320 sərnişin təyyarəsi göyərtəsindəki 59 sərnişin və 10 ekipaj üzvü ilə birlikdə Aralıq dənizi üzərində 11270 metr hündürlükdə radarlardan itərək yoxa çıxıb.
Məlumata görə, Misir təyyarəsi Parisin Şarl-de-Qol hava limanından yerli vaxtla 23.09-da havaya qalxıb.
Qeyd edək ki, A320 təyyarəsi 2003-cü ilin istehsalıdır və onun istifadə üçün yararlı olduğu bildirilir.
Faktla bağlı araşdırma aparılır.
