Yoxa çıxmış Misir təyyarəsinin qırıntıları tapıldı
Misirin xarici işlər nazirliyi Aralıq dənizi üzərində yoxa çıxmış təyyarənin qalıqlarının tapıldığını bildirib.
Ölkə.Az xəbər verir ki, "EgyptAir" şirkətinə məxsus A320 sərnişin təyyarəsi Paris - Qahirə reysini həyata keçirərkən Aralıq dənizi üzərində radarlardan itmişdi.
Aparılan araşdırmalar nəticəsində göyərtəsində 66 nəfər olan təyyarənin qalıqları dənizdə, Misirin məhəlli sularında tapılıb.
Məlumata görə, təyyarədəki bütün sərnişinlər və ekipaj üzvləri həlak olub.
Təyyarənin düşmə səbəbləri aydınlaşdırılır.
