Rusiyada növbəti şaxta qəzası: 150 işçi yerin altında qaldı

Rusiyanın Krasnoyarsk diyarında şaxta uçub, 150 işçi yer altında qalıb.

Krasnoyarsk diyarının Şimali Yeniseysk rayonunda yerləşən "Vostoçnı" mədənində karxana divarı aşıb, 150 işçi mədənin içərisində qalıb.

Bu barədə Ölkə.Az "RİA Novosti" agentliyinə istinadən məlumat verir.

Rusiya Fövqəladə Hallar Xidmətinin region üzrə rəsmi nümayəndəsi Alena Aleksişina bildirib ki, hadisə sübh tezdən, Yeruda qəsəbəsi yaxınlığında baş verib. İşçilərdən heç biri xəsarət almayıb, 150 fəhlə təxminən 300-560 metr arası dərinlikdə havasız şəraitdə qalıb.

Xidmət qəzaya qrunt sularının səbəb olduğunu ehtimal edir.

Hazırda hadisə yerində xilasetmə işlərinə başlanılıb.

İlhamə
Ölkə.Az