Mustafa Akıncı: "Federal Kipr dövləti yaratmağın vaxtı çatıb"

Şimali Kipr Türk Respublikasının prezidenti Mustafa Akıncı bildirib ki, uzun illərdir davam edən münaqişə nəhayət ki, tənzimlənməlidir.

Ölkə.Az xəbər verir ki, o, Kipr adasında iki zona və iki icmadan ibarət federal dövlət yaratmağın vaxtının gəlib çatdığını söyləyib.

"Türklər və yunanlar sülh, bərabərlik, azad və təhlükəsiz şəraitdə birgə yaşaya bilərlər",- deyə M.Akıncı qeyd edib.

O, bir gün əvvəl Kipr adasının Yunanıstana məxsus hissəsində keçirilmiş parlament seçkilərinə dair fikir bildirib:"Arzu edirəm ki, seçkilərin nəticəsi adadakı yunanlar üçün xeyirli olsun"

M.Akıncı qeyd edib ki, parlament seçkiləri başa çatdıqdan sonra Kiprin yunan hissəsində bütün diqqət Kipr probleminin həlinə yönəldilməlidir. "Artıq iki zonalı, kiprli türklər və kiprli yunanların birgə və bərabər yaşayacağı federal Kipr yaratmaq üçün məsuliyyətli hərəkət etmək zamanıdır",- deyə o vurğulayıb.

İlhamə
Ölkə.Az