Hindistan Şanxay Əməkdaşlıq Təşkilatına üzv olur
Hindistan Şanxay Əməkdaşlıq Təşkilatına üzv olacaq.
"Ölkə.Az" xəbər verir ki, bu məlumatı Rusiya prezidenti Vladimir Putin paylaşıb. Xəbərə əsasən, bir həftədən sonra Hindistan quruma tamformatlı şəkildə daxil olacaq.
Putin Hindistanın baş naziri Narendra Modi ilə görüşdən əvvəl bəyanat verib: "Bir həftədən sonra Hindistanın Şanxay Əməkdaşlıq Təşkilatına üzvlüyünü qeydə alacağıq. Bu proses 2015-ci ildə Rusiyada, Ufa şəhərində başlayıb. Rusiya hər zaman bu prosesi dəstəkləyib və hər cürə müşayət edib".
Putin əlavə edib ki, Rusiya və Hindistan bu il diplomatik münasibətlərin bərpasının 70 illiyini qeyd edəcək.
Tərəflər görüşdə ikitərəfli münasibətləri müzakirə edəcəklər.
Qeyd edək ki, Hindistanın baş naziri ilk dəfədir ki, Sankt-Peterburqa rəsmi səfər edir.
Hikmət
Ölkə.Az
