Daha bir erməni hərbçisi özünü asdı

“Ölkə.Az” xəbər verir ki, iyun ayının 1-də Ermənistanda N saylı hərbi hissədə hərbçinin asılmış meyiti tapılıb. “NEWS.am” saytının yaydığı məlumata görə, Ermənistan Müdafiə Nazirliyinin tabeliyində olan N saylı hərbi hissənin anbarında 1981-ci il təvəllüdlü hərbi qulluqçu Melik Xaçatryan asılmış vəziyyətdə tapılıb. Hadisə Ermənista vaxtı ilə saat 15:30-da qeydə alınıb.

Məlumat daxil olan kimi hadisə yerinə hərbi prokurorluq, hüquq-mühafizə orqanlarının əməkdaşları cəlb olunublar. Araşdırmalar zamanı hadisə yerində məktub da aşkarlanıb.

Hərbçinin meyiti tibbi ekspertizaya göndərilib. Tibbi müayinələrdən sonra ölümün dəqiq səbəbləri məlum olacaq.

Faktla bağlı cinayət işi başlanıb, araşdırmalar aparılır.

Qeyd edək ki, son illər Ermənistan ordusunda tez-tez bədbəxt hadisələr və intiharlar olur. Baş verən hadisələrin çoxunda da erməni hərbçilər həyatlarını itirirlər. Bu səbəbdən də Ermənistanda hərbi xidmətdən yayınma halları çoxalıb. 

Ziya Səccad
Ölkə.Az