Əfqanıstanda dəhşətli partlayış

“Ölkə.Az” xəbər verir ki, törədilən partlayış nəticəsində ölənlərin sayı 100 nəfərə, yaralananların sayı isə 600-də çatıb.  Bu barədə Əfqanıstan Səhiyyə Nazirliyinin məlumatında bildirilir. Verilən məlumata görə, yaralıların bir çoxunun vəziyyəti ağırdır. Bu səbəbdən də, ölənlərin sayı arta biləcəyi qeyd edilir.

Hadisə yerində axtarış-xilasetmə əməliyyatı davam etdirilir.  Ərazi mühasirəyə alınıb. 

Qeyd edək ki, mayın 31-də prezident sarayı və səfirlik binaları yaxınlığında güclü partlayış törədilib. İŞİD partlayışa görə məsuliyyəti öz üzərinə götürüb.  Əfqanıstan hüquq-mühafizə orqanları isə hesab edirlər ki, terror "Hakkani şəbəkəsi" terror təşkilatının əli ilə həyata keçirilib. Ehtimal olunur ki, Pakistan kəşfiyyatının partlayışla əlaqəsi var.

Ziya Səccad
Ölkə.Az