Terrorçular İran parlamentinə qadın geyimində soxulublar
İran parlamentinə hücum edən dörd terrorçu qətlə yetirilib.
"Ölkə.Az" xəbər verir ki, terrorçular parlament binasına qadın geyimində soxulublar.
İranın daxili işlər nazirliyi bildirib ki, hücumçular parlamentə əsas girişdən qadın geyimində daxil olublar. Bina tamamilə mühasirəyə alınaraq terrorçular qətlə yetirilib.
İranın dövlət televiziyası hücumçuların sayının 4 olduğunu, 8 nəfərin də yaralandığını bildirmişdi. Mətbuat isə 7 nəfərin həlak olduğunu, 4 nəfərin girov götürüldüyünü yazırdı. Parlamentdə 4 nəfəri girov götürən terrorçu üzərindəki bombanı partladıb. Hücumçunun yanındakı girovların taleyi barədə xəbər yoxdur.
İŞİD-ə məxsus sosial şəbəkə səhifəsində isə "Tehranın mərkəzindəki məclis və Xomeyni türbəsinə hücumu İslam dövlətinin savaşçıları həyata keçirib"-cümləsi yazılıb.
Hikmət
Ölkə.Az
